- 063 -
1351 (4. maja) Świdnica, w dzień św. Floriana etc.
BolkoBolko (Bolesław) II. Mały (Świdnicki) – książę świdnicki od r. 1326, jaworski od r. 1346, łużycki od r. 1364, książę na połowie Brzegu i Oławy od r. 1358, książę siewierski od r. 1359, książę na połowie Głogowa i Ścinawy od r. 1361. Ostatni niezależny książę piastowski na Śląsku. , książę Śląska, pan z Książa oraz na Świdnicy, sprzedaje miastu Świdnica złotą monetę na okres 10 lat za sumę 300 grzywien groszy praskich polskiej miaryRówna wrocławskiej, równa krakowskiej., z wszelakimi uprawnieniami, korzyściami, pełnią władzy, tak, jak to posiadał sam książę dotychczas, lub posiąść mógł etc.
— [W]ir Bolke von gotis gnaden herczoge von Slezien herre von FurstinberkZamek Książ und czur SwidniczŚwidnica bekennen offenlich mit disem kegenwortigen briefe, das wir mit vorbedachtim mutte und mit rate unser getreuwen manne unsern getreuwen - - - ratluten und burgern unser stat Swidnicz recht und redelich haben vorkouft yn eyme rechtin koufe unse guldinne muncze obiral in unserm lande umb dryhundert mark Pragischer groschen Polnischer czal, das dy sal syn czur Swidnicz und nyrken anderswo weder yn unserm lande das wir iczund haben noch in deme das noch czugegehn mechte, wedir in stetin noch in dorfern noch in gebirgen noch uf husirn noch in welden noch in keynir andirn stat wenne in unser stat czur Swidnicz, is kome goltwerk uf dorinne adir nicht. Dyselbe guldinne muncze sullen sy haben von sante Johannis tak unsers herren toufer [29. sierpnia], der nehest czukumftig wirt, obir czehn gancze iar noch enandir czu czelin ane mittil und sullen dy haben alle dy czit czu allem rechte czu allem nucze und czu allir herschaft, alz wir sy selbir haben gehabt adir mochtin gehaben und czu deme rechte alz guldinne munczen andirswo recht haben, alzo das sy mogen lasen slahen guldine grose adir cleyne wy sy wellen schilde und guldin alz vor gewönlich ist gewest. Ab ouch die vorbenanten ratman und burger dyselbe muncze nicht welden noch mochten selbir gehaldin, zo mogen sy dyselbe muncze vorkoufen adir vormiten eyme adirn manne weme sy wellen und wy sy mogen in den czehn iaren, eyme zotane manne der unser undirsese sy adir unser burger. Wir wellen ouch, das ab ymant welde lasen guldinne slahen, der yn unserm lande geseszen sy, das wir yczunt haben und das uns noch werden mochte, her sy rittir adir knecht, burger adir gebuyr, iude adir cristen, nymant uschunemyn, der sal syn golt gebin und antwortin yn dy muncze czur Swidnicz unde nirgen andirswo, wer dorobir anders tete, der sal des beszirn und abelegen mit czehn marken, dy sullen halp gevallin uns und halp der vorbenanten stat Swidnicz, und do sulle wir yn syn czubehulfen. Wer abir ab an uns von todis wegen icht geschehe, ab binnen den czehn jaren goltwerk ufqueme in dem lande, das der hochgeboren furstinnen vrowen AgnessenAgnieszka Habsburg, żona Bolka II. Małego, księżna świdnicko – jaworska w l. 1368 – 1392. unser elichen husvrowen czu lypgedinge wirt geborin, das jo dy guldyne muncze dy czehn jar nirgen sall syn wenne czur Swidnicz. Dyselbe guldyne muncze, dy wir alzo vorkouft haben, habe wir den vorbenanten . . . ratluten, dy nu sint, und den, dy herhernoch. ratlute werden, und burgern der vorbenanten unser stat Swidnicz durch mancherleye dinstis willen, das sy uns dicke haben getan, gelegen alle dy vorbeschrebenen czehn iar vry und ledik allis dinstis allir gulde und andirs beswerniszis, von uns von unsern nachkomelingen und von unsern dynern und anewalden ungehindirt. Und das sy doby blyben und doby werden gelasen und behalden von uns und unsern nachkomelingen und von der obgnanten unser elichen vrowen dy czehn jar noch den gelubden, dy vorbeschreben stehn, das globe wir und mit uns dy mevorbenante hochgeborn furstinne vrowe Agnes by unsern gutin treuwen den ratluten unser stat Swidnicz, dy nu sint, den dy hernach ratlute werden und allen hantwerkmeystirn den armin und den rychin.
Mit urkunde dicz brifs, den wir vorsegilt haben lasen werden mit unser beidir wiszin, und ist gegeben czur Swidnicz an sante Florians tak nach gotis geburt dryczenhundirt iar und darnach in dem eymeundfunfczegistin iare.
Dorby sint gewest unser man her Kekil von Czirnen, her Ullrich SchaffVon Schaffgotsch, Nikil von Syfridow, Cunman von Sidlicz, Reyntsch SchaffVon Schaffgotsch, Nikil Sachinkirche, Cunczelinus unser lantschriber und andir treuwirdiger unser manne vil.